कणकवली दि.१८: सिंधुदुर्ग जिल्ह्यात अंमली पदार्थांच्या वाढत्या विळख्यात युवा पिढी बरबाद होत असून अनेक तरुण आत्महत्येस प्रवृत्त होत आहेत. तसेच पोलिसांच्या आशीर्वादाने मटका आणि जुगार खुलेआम सुरू असल्याचा गंभीर आरोप शिवसेना नेते तथा माजी आमदार परशुराम उपरकर यांनी केला. येत्या काही दिवसांत पोलीस यंत्रणेकडून यावर ठोस कारवाई न झाल्यास शिवसेना स्वतः अवैध धंद्यांवर धाड टाकणार, असा इशाराही त्यांनी दिला.
कणकवली येथील संपर्क कार्यालयात आयोजित पत्रकार परिषदेत बोलताना उपरकर म्हणाले, पोलीस यंत्रणेकडून आठवड्यातून एक-दोन दिवस अमली पदार्थ आणि मटक्यावर धाडी टाकल्याचे दाखवले जाते. मात्र प्रत्यक्षात अमली पदार्थांचे जाळे वेगाने विस्तारत आहे. या व्यसनाधीनतेत अडकलेल्या अनेक तरुणांवर आत्महत्येची वेळ येत असून जिल्ह्यात वर्षाला सरासरी दीडशे आत्महत्या होत असल्याचा दावा त्यांनी केला.
उपरकर यांनी पुढे सांगितले की, सिंधुदुर्गात पत्ते आणि जुगाराचे अड्डेही खुलेआम सुरू आहेत. पोलीस मुख्यालयापासून अवघ्या चार किलोमीटर अंतरावर ओरोस खुर्द येथे मोठा जुगार अड्डा चालत असून त्यासाठी दीड लाख रुपयांपर्यंत हप्ता दिला जात असल्याची चर्चा आहे. याशिवाय माजगाव, कोलगाव, नरेंद्र डोंगर, इन्सुली, निवती, वेंगुर्ले, कलमठ, मसुरे, वराड आणि कट्टा या ठिकाणीही खुलेआम जुगार सुरू असल्याचा आरोप त्यांनी केला.
सिंधुदुर्गात सुरू असलेल्या या अवैध धंद्यांवर कारवाई करण्याऐवजी पोलीस यंत्रणा डोळेझाक करत असल्याचा आरोप करत, पालकमंत्री आणि राज्याचे गृहमंत्रीही मटका व जुगार रोखण्यात अपयशी ठरल्याची टीका उपरकर यांनी केली. येत्या काही दिवसांत पोलिसांनी सर्व अवैध धंदे पूर्णपणे बंद न केल्यास शिवसेना अशा ठिकाणी धाड टाकून ते बंद करेल, असा इशारा त्यांनी दिला.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*🪐 *वेबसाईट* : hindustanlivenh@gmail.com 🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :📱9422054887,8275659563
सावंतवाडी दि.१८: सोनुर्ली पाक्याचीवाडी येथील रहिवासी प्रसिद्ध गावठी वैद्य तथा सर्पमित्र रामा लक्ष्मण गावडे (85) यांचे शनिवारी सकाळी निधन झाले. गेली कित्येक वर्ष ते गावठी वैद्य म्हणून विविध आजारावर औषधे देत असत, महाराष्ट्र तसेच गोवा राज्यातून त्याच्याकडे औषधासाठी रुग्ण येत असत. सर्पमित्र म्हणूनही त्याची विशेष ओळख होती. त्यांनी आपल्या आयुष्यात अनेक सर्प पकडून त्यांना जीवनदान देत नैसर्गिक अधिवासात सोडले आहे. त्यांच्या पश्चात पत्नी, दोन भाऊ, दोन मुलगे, सुना, विवाहित मुली, नातवंडे , पतवंडे असा मोठा परिवार आहे.
सिंधुदुर्गनगरी दि. १८: जिल्ह्यात गेल्या काही दिवसांपासून फोफावलेल्या अवैध वाळू उपसा आणि वाहतुकीवर जिल्हा प्रशासनाने दणका दिला आहे. जिल्हाधिकारी तृप्ती धोडमिसे यांच्या थेट नेतृत्वाखाली महसूल विभागाने जिल्ह्याभरात एकाच वेळी ‘सर्जिकल स्ट्राईक’ करत १५ वाहने जप्त केली आहेत. या धडक कारवाईमुळे वाळू माफियांमध्ये मोठी खळबळ उडाली आहे.
📍 सावंतवाडी (वेर्ले)दि.१७: तालुक्यातील वेर्ले-सटवाडी मार्गावर ‘जलसुविधा’ योजनेच्या नावाखाली पैशांचा अक्षरशः चिखल झाला आहे. ५ लाख रुपये खर्चून बांधलेली मोरी महिनाभरातच खचल्याने ग्रामस्थांमध्ये तीव्र संताप व्यक्त होत आहे.
सावंतवाडी दि.१७: