दोडामार्ग दि.१९: अक्षय तृतीयेच्या सणासुदीच्या दिवशीच दोडामार्ग तालुक्यावर शोककळा पसरली आहे. पणजीहून धाराशिवकडे जाणाऱ्या एसटी बसने सासोली-हेदूस येथे दिलेल्या धडकेत कुडासे-वानोशी येथील दिलीप हळणकर (वय ५८) यांचा जागीच मृत्यू झाला.

नेमकी घटना काय?
मिळालेल्या माहितीनुसार, दिलीप हळणकर हे आपल्या दुचाकीने इब्रामपूरहून बांदा-दोडामार्ग मुख्य रस्त्यावर येत होते. त्याच वेळी पणजीहून दोडामार्गमार्गे धाराशिवकडे जाणारी बस समोरून आली. बस चालकाने समोरून येणाऱ्या दुचाकीस्वाराला वाचवण्यासाठी बस रस्त्याच्या कडेला नेली. हा प्रयत्न इतका भीषण होता की, रस्त्याशेजारील एका स्टॉलचे पत्रेही बसच्या धडकेने उडाले. मात्र, चालकाच्या शर्थीच्या प्रयत्नांनंतरही दुचाकी आणि बसची समोरासमोर जोरदार धडक झाली.

कुडासे गावावर शोककळा
या भीषण अपघातात दिलीप हळणकर यांचा जागीच अंत झाला. ते एका खासगी कंपनीत कार्यरत होते. त्यांच्या पश्चात पत्नी असा परिवार आहे. अक्षय तृतीयेच्या दिवशीच घरातील कर्त्या पुरुषाचा असा दुर्दैवी अंत झाल्याने कुडासे गावावर दुःखा डोंगर कोसळला आहे.

अपघाताचे वृत्त समजताच परिसरातील ग्रामस्थांनी घटनास्थळी मोठी गर्दी केली होती. स्थानिक पोलिसांनी घटनास्थळाचा पंचनामा केला असून पुढील तपास सुरू आहे.

🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563

देवगड दि.१८: काकांच्या दिवसकार्याला जात असताना देवगड तालुक्यातील मूळ रामेश्वर कोलवाडी येथील तेजस उदय पवार (३०, सध्या रा. दिवा मुंबई) याचा गुरुवारी सकाळी १०.३० वाजण्याच्या सुमारास मुंबई ठाणे रेल्वेस्टेशन येथील अपघातात मृत्यू झाला. रामेश्वर येथील जि. प. च्या माजी सदस्या वर्षा पवार यांचा तो मुलगा आहे. तेजसच्या अपघाती निधनाचे वृत्त समजताच रामेश्वरसह गिर्ये, विजयदुर्ग परिसरात शोककळा पसरली.

मिळालेल्या माहितीनुसार, तेजस हा मुंबई येथे खासगी कंपनीत कामाला होता. दीड वर्षापूर्वी त्याचा विवाह झाला होता. तो सध्या दिवा मुंबई येथे पत्नीसमवेत स्वमालकीच्या घरात वास्तव्यास होता. दरम्यान, नालासोपारा येथे वास्तव्यास असणाऱ्या त्याच्या काकांचे काही दिवसांपूर्वीच निधन झाले होते. त्यांच्या दिवसकार्याला जाण्यासाठी तेजस हा पत्नीसमवेत गुरुवारी सकाळी ठाणे रेल्वे स्टेशनवर पोहोचला. पत्नीला रेल्वेत महिलांच्या राखीव डब्यात सुरक्षितरित्या बसवून तो अन्य डब्यात बसण्यासाठी गेला. स्टेशनवरून रेल्वे मार्गस्थ होत असतानाच डब्यात अचानक गर्दी वाढली. या गर्दीचा झटका बसून तो रेल्वेच्या डब्यातून बाहेर फेकला गेला. या घटनेत तो गंभीर जखमी झाला. तेथील ग – ामस्थांनी त्याला तात्काळ नजीकच्या रुग्णालयात दाखल केले. परंतु उपचारादरम्यान त्याचे निधन झाले.

पश्चात आई, वडील, पत्नी, भाऊ, वहिणी असा परिवार आहे. तेजस हा मनमिळावू स्वभावाचा होता. त्याचा मित्र परिवारही मोठा होता. देवगड तालुका नाभिक संघटनेचे ज्येष्ठ कार्यकर्ते तथा सल्लागार उदय पवार यांचा तो मुलगा होता.

🛑/——–/——-/—–/🛑——🛑–/——-/

*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*🪐 *वेबसाईट* : hindustanlivenh@gmail.com 🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :📱9422054887,8275659563

कणकवली दि.१८: मुंबई-गोवा महामार्गावरील कणकवली बसस्थानकासमोरील उड्डाणपुलाखाली आज दुपारी साडेबाराच्या सुमारास एसटी बस आणि दुचाकीचा थरारक अपघात घडला. बस वळत असताना वेगात असलेली दुचाकी थेट बसच्या खाली गेली. सुदैवाने, दुचाकीस्वाराने प्रसंगावधान राखत गाडीवरून उडी मारल्याने तो थोडक्यात बचावला.

नेमकी घटना काय?

मिळालेल्या माहितीनुसार, तळेरे ते कणकवली या दिशेने जाणारी एसटी बस बसस्थानकात जाण्यासाठी मिडलकटवरून वळत होती. याचवेळी मुंबईच्या दिशेने जाणारा एक दुचाकीस्वार वेगात जात होता. बस चालकाला आपल्या पाठीमागून दुचाकी येत असल्याचे लक्षात आले नाही, तर दुसरीकडे दुचाकीस्वाराला समोरून बस वळत असल्याचा अंदाज आला नाही.

बस वळताच दुचाकी थेट बसच्या चाकाखाली गेली. मात्र, तत्पूर्वीच दुचाकीस्वाराने गाडी सोडून बाजूला उडी मारल्याने मोठी जीवितहानी टळली. या अपघातानंतर महामार्गावर नागरिकांची मोठी गर्दी जमली होती.

अल्पवयीन दुचाकीस्वार अन् राजकीय मध्यस्थी

या घटनेची माहिती मिळताच एसटी महामंडळाचे अधिकारी, पोलीस हवालदार विनोद चव्हाण आणि वाहतूक पोलीस संदेश अबिटकर यांनी तातडीने घटनास्थळी धाव घेतली. तपासणी दरम्यान असे समोर आले की, दुचाकी चालवणारा तरुण हा कनिष्ठ महाविद्यालयातील विद्यार्थी असून तो अल्पवयीन आहे. त्याच्याकडे वाहन चालविण्याचा कोणताही परवाना नव्हता.अपघातानंतर पोलिसांनी कारवाईची तयारी दर्शवली होती, मात्र काही राजकीय नेत्यांनी या प्रकरणात मध्यस्थी केली. दोन्ही बाजूंनी सामंजस्याने हे प्रकरण मिटवण्यात आल्याने, पोलीस ठाण्यात या घटनेची अधिकृत नोंद करण्यात आलेली नाही.

सुरक्षेचा प्रश्न ऐरणीवर

कणकवली बसस्थानकासमोरील या कटवर अनेकदा अशा प्रकारचे अपघात घडतात. आजच्या घटनेत एसटी चालक आणि दुचाकीस्वार या दोघांचाही बेजबाबदारपणा दिसून आला आहे. परवाना नसतानाही अल्पवयीन मुलांच्या हाती वाहन सोपवणे किती धोकादायक ठरू शकते, हेच या घटनेतून पुन्हा एकदा स्पष्ट झाले आहे.

🛑/——–/——-/—–/🛑——🛑–/——-/

*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*🪐 *वेबसाईट* : hindustanlivenh@gmail.com 🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :📱9422054887,8275659563